Informativo A Coruña 8:45 - 22/04/26

35 días: é o tempo que estará pechado o aeroporto de Santiago, a partir de mañá, para rematar os traballos de renovación da súa pista. Unhas obras que farán desviar a maioría dos voos á terminal da Coruña, ata o 27 de maio. O peche do Rosalía de Castro chega durante a súa peor crise de viaxeiros desde a pandemia. De seguido iremos ata LAvacolla, no seu último día de operatividade antes do peche.- No xuízo pola primitiva millonaria da Coruña, Fiscalía e acusacións particulares manteñen a petición de seis anos de cadea pros irmáns Reija. Hoxe será a quenda das defensas, que piden a absolución.-A delegación de Renfe en Galicia recibirá nas vindeiras semanas o Foro polo Ferrocarril de Ferrol, que lamenta que a operadora non inclúa a comarca no seu "Plan Galicia" para mellorar do servizo. -Esta semana volve o Festival de Música Contemporánea e Artes Vivas da Coruña. O RESIS cumpre este xoves nove anos e comeza a celebrar o seu décimo aniversario