Informativo Galicia 7:45 - 22/04/26

Novo capítulo na lea política do concello de Lugo. A creación dunha praza autonómica na delegación de Litoral abre as sospeitas na oposición de que sexa unha convocatoria a medida do perfil da ex edil socialista María Reigosa a cambio dun hipotético apoio a unha moción de censura impulsada polo PP. Hoxe estará alí a voceira nacional do BNG, Ana Pontón comparecerá xunto ó tenente da alcaldía.Na sanidade, continúan as protestas pola situación da primaria, estes días no Barbanza, xusto ademais na xornada previa a un novo día de folga nos centros de saúde. CIG e Consellaría de Sanidade teñen previsto reunirse hoxe.Tamén no laboral, malas novas para a fábrica de Nestlé en Pontecesures: entra dentro do plan do ERE anunciado pola compañía.E o Consello de Ministros anunciou un novo plan estatal de vivenda, co horizonte no 2030. Traerá 400 millóns de euros a Galicia destinados a promover máis vivenda pública ou a priorizar que a mocidade teña acceso ós inmobles.Nos deportes, cita esta noite para o Celta na Liga. Xoga co Barcelona no Camp Nou