Informativo Lugo 8:45 - 12/03/26

Cando Emilia Pardo Bazán mandou construir a finais do século XIX o Pazo de Meirás, difícilmente podía imaxinar o litixio que xurdiría anos despois pola propiedade do inmoble. Un pleito entre a familia Franco e o Estado que remata hoxe, cunha sentenza do Supremo que confirma que o pazo é de titularidade pública. De seguida escoitamos a ledicia de memorialistas e grupos políticos. Polo demais, nesta nova xornada de folga na Atención Primaria, recollemos os preocupantes datos das listas de agarda do Sergas. O ano pasado os galegos esperaron de media 73 días para operarse.Nos deportes, en pouco máis dunha hora comeza o Celta-Olympique de Lyon, marcado polas tensións entre os afeccionados tras unha lea a pasada noite.

O pazo de Meirás é do pobo. O que foi un cántico e reivindicación popular durante anos ven de ser ratificado polo Tribunal Supremo, que avala a decisión da audiencia da Coruña e desbota tódolos recursos. Queda só que a xuiza da Coruña aclare a indemnización á que puideran ter dereito os Franco polos anos que o mantiveron.A lista de agarda para operarse segue medrando, ata os 73 días, e tamén as consultas e probas diagnósticas.A CIG denuncia cunha xornada de folga na atención primaria que o proceso aberto para a mellora deste nivel asistencial é un paripé.AEMET confirma que o inverno foi cálido e moi húmido: choveu un 62% máis do normal. E no tempo hoxe temos unha tregua, antes da volta das chuvias pola noite.

Imos rematando a semana, a noticia do día saltaba hai pouco con esa decisión do Supremo sobre a propiedade do Pazo de Meirás, a partir das dúas e dez máis detalles sobre esta resolución xudicial. Pero hoxe, con permiso do resto da actualidade, a protagonista do día ten nome e apelido: Rosa Crujeiras, primeira reitora dunha universidade en Galicia.Recibímola xa nos nosos estudos de RNE Santiago, conversamos con ela neste primeiro día tralas eleccións

null

null

null

Xoves 12 de marzo, Día Mundial do Ril, data na que actualidade pasa tamén pola Audiencia Provincial, que determinou dous anos de prisión e unha multa de doce millóns de euros para o líder da fábrica clandestina de tabaco de Coles. O PSOE crítica a ausencia de políticas que poñan fin á problemática dos lumes, mentres a Xunta continúa visitando puntos no marco do convenio de xestión da biomasa e defendendo a súa xestión.No laboral, traballadores de distintos sectores continúan reclamando melloras nas condicións. É o caso dos empregados de Textil Lonia e Applus Norcontrol.Desprázamonos ao Centro Cultural Marcos Valcácel, onde até o 5 de abril pode verse a exposición do fotógrafo ourensán Santiago Barreiros co que conversamos.

null

Rosa Crujeiras, escollida como nova reitora da Universidade de Santiago. Será a primeira muller no cargo nos máis de 500 anos de historia da institución. De seguida escoitamos as súas primeiras verbas tras coñece-la nova.E este mércores a actualidade lévanos tamén ó Parlamento. BNG e Xunta chocan polo novo vicevaledor do pobo.Polo demais, hoxe coñecemos os resultados de Inditex. A textil segue a marcar records de vendas e beneficios.

O conflicto entorno a Altri abriu unha fenda no parlamento galego que ameaza con rachar ata cos pactos máis institucionalizados e antigos do pazo do hórreo. Hoxe a sesión de control volvía evidenciar a distancia entre PP e BNG sobre o nome do próximo vicevaledor, que tradicionalmente propón o segundo partido da cámara. Tamén a imposibilidade de acordar unha declaración sobre a guerra en oriente próximo.Unha guerra que non perturba á multinacional Inditex, que vixilan a situación pero confían na súa capacidade para se adaptar a situacións complexas, como demostraron coa crise dos aranceis. E baten records de beneficios.Nace a plataforma "Emerxencia, dependencia" que aúna colectivos sociais, profesionais e políticos para denuncia-la situación insostible deste sistema.Unha veciña do concello de A Baña entrega ó ministerio 70 mil sinaturas para pedir que se adianten os cribados de cancro de mama ós 40 anos.No tempo, imos ver máis claros a medida que avance a xornada.

Mércores 11 de marzo, data sinalada no almanaque porque desta xornada sairá a primeira muller reitora dunha universidade galega. Ata as seis da tarde o colectivo universitario compostelá pode escoller entre Rosa Crujeiras e Maite Flores.Á espera dos resultados, hoxe a actualidade pasa tamén polo económico: bos resultados para Inditex que lle valen ó creador do xigante téxtil, a Amancio Ortega, para regresar ó top 10 das persoas máis ricas do mundo segundo Forbes.No sanitario, xa o adiantabamos hai uns minutos, petición nacional -promovida desde Galicia- para rebaixar a idade dos cribados de cancro de mama, das mamografías. Nuns minutos escoitaremos os detalles.Pero antes, imos falar dun peixe en perigo de extinción en Galicia. Unha pista: a súa variante máis coñecida é a de Noruega

null

null

null

null