Harshen Gbagyi(Gbagye) - "Kalmomin na Rayuwa(Hausa)".3gp

Gbagyi(Gbagye) - "Words of Life(English)".3gp //AKORINTIYI I 131Kwo mi-i mi, ma daɓo n nabyei gbo-gbo har n na malaika nya yi ɓe, ama mi-i to n yeyei lom, mi la ze ngye sugu wyiɓeyi, ko eshan bwiciyi kawai. 2Ko mi-i iko yi ngye anabi mi-i kpe ɓeye nko ye ɓeɓelo kwa zhin, ko mi-i n yekpe anyi nyai vinya har mi-i kmi asiri anya-ya; ko mi-i n gaiciya ga yako yi har ma mi ma daɓo n ʼpe yi kwa shanba, ama ndei mito n yeyei lom, mi to zhin nyaho num. 3Ko mi-i ku mi nyabwa yaga vinya agna awyekoyi, har ma ga mi nayi ntuge a gyi ko ʼna ɓedo, ama mi-i to n yeyei lom, ko la ze ɓo gbolo. 4Yeye n bugba-bwa yi, kwoi na tnazhin-yi mwa. Yeye ta wo ʼshem, ko ta mwi kwohin ʼzayi, ko kwa la kwohin tum. 5Yeye ta zhin ɓo ntna hankali m ko ta zan kwohin tukwo nya shin m; ko ta pye n minagyi gyi yim. 6Yeye ta wo agmada ntu ɓenukoyi ɓom, ama ko zhin kwa nya agmada ntu gaiciya ɓo. 7Nʼho ye za, ho ɓa viwo ɓeye komi nko nako yi; ho ɓa gawo gaiciya n naɓo vinya; oha wyetu lo nʼwo; hoi ɓa bwa atna n ʼwoi n ɓeho-ɓeho yi. 8Yeye ta shan zon. Anabi ɓeda ɓa duya; ɓeda n na nyitalai gbo-gbo du ɓa ɓa diya; Ko ɓeyekpe nu, ko ɓa duya. 9Ntuge nʼsaiye, yi kpeye lo kpe nʼshe-she nu, du na nyaga ɓeyekpe yi n na ɓeda kpeda nya yi, ɓa to shince lo n kni yim. 10Ama shi aɓei ku yi ze nunuyi anya ga atna nuyi ye, ɓa ɓa duya. 11Esanu mʼɓei zhin oɓi nyi, omi ɓeda, oma ɓenubozhin yi, nʼma ɓezhin-zhin yi vinya ɓa ɓei zhin ɓinai nya nu. Ama nsaiye mila zhin zadnagmai, ntuce nu mi ku ɓinai aɓo ya. 12Nlonu, nya yi gyelo nʼsaiye, yi kpawyega tu n Shekwoyi tukwo nyi, ko wulo duru-duru ngye shi oza zhin wa gye wohin duru n maganyi cegyeda nyi; ama n wyihoi yi ɓa gye Wo pei-pei shi Wo nyi dna Wo nunu-ntuge Wo ɓei ce yawye yihin yi ce Wawye. Oɓo mi kpeye lo nsaiye, mi kpeyelo kpe nʼsheshe nu, ama n wyihoi, mʼɓei kpeye n shince nʼkni yi, n nunuyi njesun ngye shi Shekwoyi kpe miye lo n nunuyi nyi. 13Nsaiye dei aɓo ngnu-ata nu mizhi lo-oɓa nuzhin; gaiciyaga, awyetu, n yeye yi; nya ko dulo vinya, ko nu zhin yeye.