"زبان تالشی آذربایجان - "داستان پیامبر .mp4

Talysh Language of Azerbaijan - "Propher's Story".mp4 //Çe Yəhya nəql kardə Şoyə Xəbə1 1 Sıftədə Kəlom hestbe, Kəlom de Xıdobe iyən Kəlom Xıdobe. 2 Əv sıftəku de Xıdobe. 3 Har çiy Deçəy vositə ofəyəy iyən ofəyə bıəyon hiç qıləyni Beəy ofəyənin. 4 Jimon Bəykube iyən ın jimon bo insonon nurbe. 5 Ruşnə zılmotədə nur səğandeydə, zılmoti isə ebarde nıznəşe əv. 6 Çe Xıdo vığandə qıləy odəm hestbe, çəy nom Yəhyabe. 7 Əv şoydəti kardeyro bə məydon beşe ki, Nuri barədə şoydəti bıkə iyən həmməy deçəy vositə bə imon bon. 8 Əv ıştən Nur nıbe, intasi oməy ki, Nuri barədə şoydəti bıkə. 9 Im Nur həğiğiyə Nurbe iyən oməy bə dınyo bə həmə insonon həğiğiyə nur doşe. 10 Əv dınyoədəbe, Deçəy vositə ofəyəy dınyo, əmma dınyo nıznəşe Əv. 11 Oməy Boştə xəlği, əmma Çəy Iştən xəlği ğəbul nıkardışe Əv. 12 İntasi har kəsi ki ğəbul kardışe Əv, imon vardışe Bəçəy nomi, Əy ixtiyor doşe bəçəvon həmməy ki, əvon çe Xıdo fərzəndon bıbun. 13 Əvon nə xuno, nə cismoniyə orzuyo, nəən merdi piyəyo, əncəx Xıdoo bə jimon oməyn. 14 Kəlom bəşər be, de lutfi iyən həğiğəti pur be, çəmə arədə səbəso be, əmənən vindımone Çəy ehtişom, Pıəku omə vohidə Zoə ehtişom. 15 Yəhya şəhodət kardışe Çəy barədə iyən car kəşəşe: «“Çımı bəpeştə Oməkəs başe çımısə, çumçıko çımısə bənav hestbe”, ımeha, ə Şəxs ki, az Çəy barədə qəp jəydəm». 16 Əmə həmməy Çəy mıbofətiku lutfi səpe lutf səmone. 17 De Musa vositə Ğanun doəbe, de İsa Məsihi vositə esə boy lutf iyən həğiğət oməy. 18 Hiç kəsi hiç vaxti vindəşni Xıdo, əmma hejo de Pıə bə ico bıə vohidə Zoə oşko kardışe Əv. ========================================================Pauli bə Korinfıjon İminə Nomə - 13 1 Qirəm az insonon iyən mələkon zıvonədə qəp jəydəmbo, intasi mehibbətım nıbo, bəvədə az cinq-cinq kardə mıs, yaan danq-dunq kardə sıncim. 2 Qirəm peyğəmbərəti ənomım bıbo, həmə sıron iyən har curə zınəy bızınom, bandon vırəo lovne zınə imonım bıbo, əmma mehibbətım nıbo, bəvədə az qıləy hiçim. 3 Qirəm az ıştə həmə tənxo bə beçizon paybaxş bıkom iyən ıştə andomi bə otəşi təslim bıkom, intasi mehibbətım nıbo, çımi bəmı hiç foydəş ni. 4 Mehibbət səbrine, xəymande. Mehibbət pəxıləti nıbəka, şənbozəti nıbəka, lovğəti nıbəka, 5 hoziyəti nıbəka, ıştə mənfəti çəş nıbəka, ğıyzin nıbəbe, bəy kardə bıə bevəciyon hisobi nıbəqəte. 6 Mehibbət bə nohəxəti şoyvo nıbəka, bə həğiğəti şo bəbe. 7 Mehibbət bə har çiy tov bəvarde, bə har çiy bovə bəkarde, bə har çiy umu bəbaste, bə har çiy pebətove. 8 Mehibbət əslo onıbərəxe. Əmma peyğəmbərətiyon ləğv bəben, zıvonon sə bəben, zınəy arəo peqətə bəbe. 9 Çumçıko çəmə zınəyən məhdude, peyğəmbərətiyən məhdude. 10 Mıkəmmələti omeədə məhdud bıəyon arəo peqətə bəben. 11 Az korpə beədə bənə korpə qəp jəydəbim, bənə korpə dərk kardeydəbim, bənə korpə şıneydəbim. Keynə ki yol bim ıştə korpəti vərdışon tərq kardıme. 12 Esət əmə təlxə ovəynədə çiyey ğəzinə çok vindeydənimon, bə vaxti isə dimbədim bəvindemon. Esət çımı zınəy məhdude, bə vaxti isə az mıkəmməl bəzınem, çoknə ki Xıdo zınəşe mıni. 13 Esət isə ın seqləyni mıvcude: imon, umu, mehibbət. Əmma mehibbət çımon həmməysə başe.