"مردم کردی، هورامی (گۆرانی) - "دعوت برای شناخت شخص عیسی.mp4

Kurdi, Hawrami (گۆرانی) People- - "Invitation to Know Jesus Personally" .mp4 //João ayvu porã ombopara va'ekueJypy'i guive Ayvu oiko va'ekue ava ju ojeapoague re ijayvua - 11 Jypy'i guive Ayvu oiko. Ayvu ma Nhanderuete reve oiko raka'e, ha'e Ayvu ma Nhanderuete ae.a2 Ha'e ma jypy'i guive oiko raka'e Nhanderuete reve.3 Ha'e va'e rupi ae opa mba'e ojapoa raka'e. Neĩ peteĩve ma ndoikoi ha'e ojapo va'ekue'ỹ.b4 Hexe oĩ tekove, ha'e hekove ma avakue moexakãarã oĩ.5 Hendy va'e ma pytũ rupi hexakã, pytũ ma hexe nda'ipo'akai.6 Oiko raka'e peteĩ ava Nhanderuete ombou va'ekue João hery va'e.c7 Ha'e va'e ma imombe'uarã ou, hendy va'e rekorã kuaa ukaarã, hendy va'e ou rã hexe pavẽ ojerovia aguã.8 João ma hendy va'e ete e'ỹ, hendy va'e mombe'uarã rive ou.9 Hendy va'e ete ma yvy re ou vy omoexakã 'rã avakue ha'e javi.10 Ha'e gui Ayvu ma yvy ixupe ojapo ukaa va'ekue re ae ou teĩ yvy regua kuery ndoexa kuaai.11 Guetarã kuerya py ae ou teĩ hetarã kuery nomovaẽi.12 Ha'e rã ojee omovaẽ va'e ha'e javi pe ma ome'ẽ Nhanderuete ra'y kuery ikuai aguã, hery rupi ojerovia va'e kuery pe ae.13 Ha'e va'e kuery ma avakue gui rive'ỹ oiko, to'o oipotaa rami e'ỹ, neĩ nguu kuery gui rive'ỹ guive. Ha'e kuery ma Nhanderuete gui ae oiko va'e.14 Ha'e gui Ayvu ma ava ojeapo vy oiko va'ekue ore kuery mbyte rupi. Hexe oĩ va'e ma nhomboaxya ha'e anhetẽ va'e anho. Hexakãmbaa avi roexa karamboae, Nhanderuete Ra'y peteĩ'i va'e ramo.João Batista Jesus rekorã omombe'u porãveague15 Hekorã ma João omombe'u ma voi. Ha'e vy aipoe'i:— Hekorã re ae xeayvu va'ekue. Aipoa'e: “Xee aju rire ojekuaa 'rã peteĩ xegui yvateve ete va'e, mba'eta xee aiko e'ỹ mbove ha'e oiko ae ma”, ha'e va'ekue — he'i.16 Mba'eta ojee mba'emo porã oĩ va'e ome'ẽ nhande kuery ha'e javi pe, nhanemboaxya oexa uka jepi.17 Mba'eta lei ma Moisés pe oikuaa ukaa raka'e. Ha'e rã nhomboaxya ha'e anhetẽ va'e ma Jesus Cristo rupi ae ojekuaa.18 Avave rei ndoexai Nhanderuete, teĩ Nhanderuete Ra'y peteĩ'i va'e Nguu revegua ae oikuaa uka.