9 de Xaneiro, Actualidade Mediodía

Neste informativo contamos que o Concello da Estrada mobiliza unha nova partida de 2 millóns de euros para mellorar e asfaltar numerosas estradas do rural , nun plan que se está a deseñar tanto co estudo técnico das vías como coa escoita das peticións veciñais. Tamén repasamos a volta ás obras da Praza de Galicia este luns , onde comezarán os traballos de formigonado e empedrado, e que acollerá unha escultura en homenaxe a Castelao e á súa familia no Ano de Virxinia Pereira ️. Falamos ademais da ampliación da formación dixital do programa YoConecto, que ofrecerá seis novos cursos entre febreiro e maio na Casa da Música. E en Guimarei, a veciñanza celebrará este domingo o regreso do Cruceiro da Igrexa ✝️ ao seu lugar orixinal, case catro anos despois de ser derrubado por un camión. A axenda cultural complétase coa nova edición das Noites de Raíz en Callobre . En comarcas, deixamos a última hora dun aparatoso accidente na AP‑9 en Caldas de Reis , con un ferido, e repasamos os orzamentos de Valga, que entran en vigor sen alegacións e superan os 9 millóns de euros . En deportes, o Club Deportivo Estradense despedirá este sábado o Ano do Centenario ⚽ cun partido especial e actuacións en directo , ademais do repaso á xornada futbolística de todos os equipos da contorna.